هل تؤمن بعالم ما وراء الطبيعة ؟؟
هل قرأت ما يكفى من قصص و روايات العالم الاخر ؟
هل ربطت احلامك واعمالك بهذا العالم ؟
هل ربطت الفوركس ورحلات المليون بعالم الجن ؟
ممكن نساعدك ؟
دى الكلمة اللى ممكن تشوفها فجأة وانت شغال قدام الشارت ..
فعلا .. بتكلم جد ..
ممكن نساعدك .. هيا اول كلمة هتتقالك لما يكلموك ..
وساعتها تعتبر نفسك من المحظوظين .. و المنحوسين فى نفس الوقت
من المحظوظين لانهم فعلا هيساعدوك
ومن المنحوسين .. لانك هتعيش فيلم رعب حقيقى وهتسأل نفسك دا حقيقة ولا وهم ؟
تخيل معايا الحوار اللى فعلا دار وبيدور فى اللحظة دى
عن لسان السيدة ( ر . ن 36 سنة من القاهرة )
- ممكن نساعدك ؟
ر . ن - انتو مين ؟
- نحن من سيساعدك فى النجاح وتحقيق الارباح فى البورصة العالمية
ر . ن - انا هقفل
وفعلا ر . ن قفلت اللاب وخافت
وبعد شوية .. شوية كمان .. وبعد تفكير اكتر .. قررت تفتح اللاب تانى و تشوف مين اللى بيكلمها
واول مافتحت اللاب .. وفتحت الشارت .. ظهرلها صندوق المحادثة تانى
- اهلا بكِ اختنا العزيزة لقد كنا فى انتظارك
ر . ن - انتوووووو مييييين و عايزين منى ايييه
- نحن من سيساعدك فى تحقيق احلامك ان شاء الله
ر . ن - هتساعدونى ازاى وعرفتو منين انى ست مش راجل
- لا تقلقى نحن نعرف الكثير ونحن هنا لمساعدتك
ر . ن - انت هاكر ولا عفريت ؟
- نحن هنا لنساعدك فقط
ر . ن - اشمعنى انا اللى اخترتونى عشان تساعدونى ؟
- لان طباعك محببة للقبائل والعشائر
ر . ن - بسم الله الرحمن الرحيم
وقفلت تانى ر . ن
و بعد كام ساعة من الخوف والتفكير قررت تفتح اللاب والشارت تانى وتكمل المناقشة
- لن نأذيكى يا اخت ر . ن فنحن نخاف الله
ر . ن - هتساعدونى ازاى ؟
- كيفما تشائى فنحن يمكننا عمل ايداع لكِ او فتح صفقات رابحة ان شاء الله على حسابك
ر . ن - لا انا خايفة
- اطمئنى فنحن صادقون ويمكنك شراء باوند ين الان
ر . ن - ممكن تثبتلى انك جن ؟
- اذن فنحن سنتولى هذا الامر
وفعلا لقت صفقة شرا اتفتحت على الباوند ين
ر . ن - انت مجنوووون ايه اللى حصل دا
- لا تقلقى فهى رابحة ان شاء الله
ر . ن - ربنا يستر
ر . ن - ممكن تثبتلى انك جن فعلا مش هاكر ؟
- حافظى على صلاتك يابنت بحيرة
ر . ن - بحيييييرة ؟
- نعم . اصلك يابنت الاصول
وهنا اتاكدت ر . ن انه دا فعلا جن .. لان اهلها من البحيرة .. والبحيرة دى محافظة من محافظات مصر
ر . ن - بسم الله الرحمن الرحيم
- لا تخافى
ر . ن - هو انا ممكن ابقى حاجة كبيرة فى الفوركس و احقق ارباح كتير ؟
- نعم . ستكونى دائما من الرابحين ان شاء الله
ر . ن - طيب انا قريت قبل كده عن وليام جان وانه حقق ٥٠ مليون دولار باستخدام رموز وطلاسم وحاجات غريبة كده انتو اللى كنتو بتساعدوه ؟؟؟
- نحن دائما نساعد من يستحق المساعدة
واختفى صندوق المحادثة اللي ظهر مرة واحدة في بداية الكلام
وصبرت ر . ن على الصفقة عشان كانت بدات تاخد ربح .. واستمرت ٤ ايام مفتوحة واتقفلت لوحدها على ربح ٥٠٠ دولار
وبعد اغلاق الصفقة فعلا ر . ن مكانتش مصدقة اللي حصل وعملت امر السحب بسرعة وسحبت ال ٥٠٠ دولار
بعد القصة الحقيقية اللى اتقالت دى .. وبعد التحفظ على بعض الخصوصيات اللى رفضت تقولها ر . ن لما سالته عن حاجات شخصية فيها
وبعد تكرار الموقف مع اكثر من شخص مع اكتر من شركة وبنفس السيناريو العجيب
انت هتسأل نفسك .. دا حقيقة ولا وهم ؟
واحنا كمان بنسأل نفس السؤال .. واللى حصلهم كده برده بيسالوا نفسهم نفس السؤال
دا حقيقة ولا وهم ؟
مش مهم .. المهم انه حصل .. المهم ان فى مكسب وفى ارباح
واظن ان دا الهدف الاول والاخير لأى واحد فيكم
الارباح ..
بس هل فى ناس تانية حصل معاها كده ؟
لو حصل معاك كده هيكون عندك الشجاعة تقول ؟
طيب لو افترضنا ان دا فعلا بيحصل .. على كده بقى اغنياء الفوركس كلهم او بعضهم دا مصدر فلوسهم ؟
طب هل الفلوس دي حلال ؟
وهل ممكن تسخير الجن للفوركس ؟
هل و هل و هل وهل .. اسئلة كتير عندنا واسئلة اكتر عندكم
والموضوع مفتوح للمناقشة والحوار وعرض التجارب لو فعلا حد حصل معاه كده
واخيرا ..
وَأَنَّهُ كَانَ رِجَالٌ مِنَ الْإِنْسِ يَعُوذُونَ بِرِجَالٍ مِنَ الْجِنِّ فَزَادُوهُمْ رَهَقًا
صدق الله العظيم
صورة الجن .. الاية 6
ليست هناك تعليقات:
إرسال تعليق